Birgir Thor Möller hlýtur Verðlaun Jóns Sigurðssonar forseta árið 2024
Hátíð Jóns Sigurðssonar var haldin í Jónshúsi í Kaupmannahöfn í dag, 25. apríl, á sumardaginn fyrsta. Birgir Ármannsson, forseti Alþingis, setti hátíðina og afhenti Verðlaun Jóns Sigurðssonar forseta. Hátíðarræðu flutti að þessu sinni Gyða Guðmundsdóttir, yfirmaður samfélagsmiðlatengsla hjá AECO.
Verðlaun Jóns Sigurðssonar 2024 féllu í hlut Birgis Thors Möllers, kvikmyndafræðings og menningarmiðlara. Verðlaunin hlaut Birgir Thor fyrir framlag sitt til kynningar á íslenskum bókmenntum og kvikmyndum. Með því hefur hann aukið veg íslenskrar menningar í Danmörku.
Verðlaunin hafa áður hlotið:
- 2023: Herdís Steingrímsdóttir hagfræðingur
- 2022: Gunnar Þór Bjarnason sagnfræðingur
- 2021: Auður Hauksdóttir, prófessor emerita
- 2020: Böðvar Guðmundsson, rithöfundur, ljóðskáld, leikskáld og fv. kennari
- 2019: Vibeke Nørgaard Nielsen, rithöfundur og fv. kennari
- 2018: Tryggvi Ólafsson myndlistarmaður
- 2017: Annette Lassen rannsóknardósent
- 2016: Dansk-Islandsk Samfund
- 2015: Sigríður Eyþórsdóttir, tónlistarmaður og kórstjóri
- 2014: Bertel Haarder, fyrrverandi menntamálaráðherra Danmerkur
- 2013: Erling Blöndal Bengtsson sellóleikari
- 2012: Pétur M. Jónasson, vatnalíffræðingur og prófessor emeritus
- 2011: Vigdís Finnbogadóttir, fyrrverandi forseti Íslands
- 2010: Søren Langvad, byggingarverkfræðingur og forstjóri
- 2009: Erik Skyum-Nielsen, bókmenntafræðingur og þýðandi
- 2008: Guðjón Friðriksson sagnfræðingur
Alþingi veitir Verðlaun Jóns Sigurðssonar forseta í minningu starfa hans í þágu Íslands og Íslendinga. Þau hlýtur hverju sinni einstaklingur sem hefur unnið verk er tengjast hugsjónum og störfum Jóns Sigurðssonar. Þau verk geta verið á sviði fræðistarfa, viðskipta eða mennta- og menningarmála.
Birgir Thor Möller, kvikmyndafræðingur og menningarmiðlari, handhafi Verðlauna Jóns Sigurðssonar 2024.
